آلاء شرارة تصنع لوحات فنية من قصائص لف الورق
الاء شرارة
الوكالة الكندية للانباء : منى سعيد
آلاء مصممة بارعة في لف الورق خريجة كلية الآداب جامعة القاهرة قسم فلسفة بدأت موهبتها بعد تخرجها من الجامعة حيث اهتمت بهذه الموهبة إلي أن أصبحت متقنة لها وتتميز موهبتها فيها أنها تمتلك المهارة معا لتنتج لنا لوحات كلما نظرنا لها نقول كيف أخرجت لنا كل هذا الجمال في لوحة واحدة.
تقول آلاء للوكالة الكندية للانباء ان " فن لف الورق كانت موهبة وطورت نفسي بدون أي كورسات وبدأت منذ فترة طويلة حتي يكون لى تصاميم خاصة لا تشبه أحدا "
و اختارت فن لف الورق رغم صعوبته لأنه مختلف وليس تقليدي وغير منتشرا كثيرا مثل الرسم واكدت آلاء اكثر من مرة علي اعتمادها الكامل على نفسها في تطوير مستواها إلى أن وصلت لمرحلة قريبة من الإتقان وتتطلع للمزيد .
وتضيف آلاء " شجعني علي تطوير موهبتي عائلتي وحلمي أن يكون لي براند كبير في مصر وفي العالم بحيث يكون براند عالمي مصري " وأضافت أن أقرب التصاميم لقلبها هي الحياة المصرية القديمة
وتروى آلاء بدأت شغلي بعد انتهاء دراستي اخر ٢٠١٧ وكنت اعمل مدرسه في حضانه لكن تركته حتى اهتم اكتر بالشغل الفني
اشتغلت علي نفسي تقريبا شهر قبل ما ابدأ فكره الموضوع كعمل كنت بعلم نفسي بنفسي بدون كورسات و طبعا انا مش خريجه كليه فنيه فالموضوع كله موهبه و هوايه فكان لازم اعمل نغذية بصرية كتير جدا و الي الان بعمل تغذية بصريه و بتعلم و حتي في كل تابلوه لو مقرر بحاول اضيف لمسه فيه مختلفه و التقنية بتكون اعلي
الإنسان بيبقي محتاج يكون عنده اصرار في انه يكون حاجه مميزة و ليه بصمه و طبعا طبعا الدعم من الاهل و الناس الي حواليه لان دا بيكون النسبة الاكبر في النجاح و الاستمرار
و صلت الحمدلله لمستوي مقبول مش بحب اقول مستوي ممتاز او كويس عشان مقفش عند الخطوه دي لان عايزة اطور و انجح اكتر
شاركت في معارض تبع وزارة السياحة و الاثار متحف النسيج المصري مرتين و متحف الحضارة و المتحف القبطي و كلهم اخدت منهم شهادات اشتركت مع وزارة الشباب و الرياضه و اشتركت ف معرض البازار تبع جهاز تنميه المشروعات و اشتركت في تراثنا و هو يعتبر اكبر معرض للحرف اليدويه ف الشرق الاوسط و بيفتتحه الرئيس بنفسه الخامات الي بستخدمها هي الورق الملون و ابره فن لف الورق و الغراء
طموحي يكون البراند مصري عالمي معروف و امثل اسم مصر في معارض و مسابقات بره مصر
.png "English"){kind=small}
