مصرى فى بلاد الانجليز:معاك يا مو صلاح هازم او مهزوم

 

بقلم 

 مصطفى رجب

قد يبدو للبعض هى مباراة كرة قدم ولكن بالنسبة للجنرال هى مسالة وطنية مفرطة بجانب كونه يعيش فى بلاد الإنجليز يقدر موهبة  محمد صلاح ويناصره غالب او مغلوب  

الجنرال مصطفى رجب الذى يتولى  أحد اهم الكيانات  الخاصة بالمصريين فى الخارج حيث قال دون هوادة"  عايز افهمكم ان فى كرة القدم احسن لاعبى العالم ممكن يكون موفق وممكن يكون غير موفق فى عدة مباريات وممكن يسجل أهداف  كتير وممكن يقعد فترة طويلة مايسجلش وفى كرة القدم بيقولوا عليها صايم عن التسجيل ويرجع يسجل تانى ، ومحمد صلاح هو نفس الشخص اللى خرجت مصر كلها فى الشوارع تهتف له لما اسعدنا ووصلنا لكأس العالم بعد غياب طويل ، وهو ده برضه محمد صلاح اللى لم يكن موفق فى مباريات كتير مع ليفربول بس ثقافة الجماهير مختلفة (ضيع البنلتى وبرضه غنوله) وفورا اسعدهم ، هى مشكلة ثقافة ، كل مصرى وكل مسلم لازم يحترم فضل هذا الشاب فى انجازاته ، لما اسمع شاب انجليزى بيغنى وبيقول صلاح هدية من الله 

انزلوا الملعب ورونا شطارتكم ، بذمتكم كام كمية الاخطاء اللى بتعملوها فى شغلكم وفى بيتكم وفى حياتكم 

الحمله ضد قصة نجاح فخر شباب مصر ابتداءت من زمان مش امبارح واعتقد انها ابتدأت تأثر فى نفسيته ويارب اكون مخطئ 

فى انجلترا كانوا بيقولوا نتمنى مصر تخرج بدرى وصلاح يرجع لنا 

والحاجه الجميلة والايجابية ان بعملية احصاء سريعة تلاقى المهاجمين لفخر شباب مصر فى اى بوست عددهم هايف ، بس برضه عيب وعيب قوى

وانتهى كلام الجنرال قائلا "معاك يا موصلاح هازم او مهزوم "